《辦公室日報》成日講人哋公司同埋老細嘅壞話，我自己都要打醒十二分精神，費事有口話人冇口話自己，一陣畀員工唱我或者反投稿爆大鑊就唔好啦！所以今年聖誕我決定同同事交換禮物，志在提升團隊士氣。
同事A：「唔好搞咁多嘢啦！」
同事B：「當我冇聽過。」
同事C：「你走啦，我唔想搞大件事呀！」
一個二個咁嘅反應，我初步診斷呢班人曾經有啲收禮物或者交換禮物嘅不愉快經歷。
忘記受過傷害，施捨最假的愛，同事A，由你講先吖！
「舊公司搞咩Secret Angel，有條友唔知係有心定無意，送個風筒畀個光頭嘅同事，見到都覺得尷尬。」
……同事B，輪到你。
「上一間公司個聖誕抽獎氣氛好古怪，啲同事拎完禮物係去牟利，coupon又唔知點樣7折放畀同事，實物又拎上拍賣網，勁市儈唔好玩。」
同事C呢？
「以前間公司又係交換聖誕禮物，好out呀啲嘢，仲要撞晒。」
你哋慘得過我？某年我仲係做緊記者，公司拎咗啲餅乾出嚟抽，過期㗎！仲要係大獎，聽講係marketing department搞event送剩，擺咗成年，係咪要鬥慘先？
今年我哋唔靚同埋唔特別都唔買嚟做禮物，好唔好？明白大家工作辛苦，又要嘥腦汁諗去邊度揀禮物實好頭痛，況且過時過節嚟嚟去去都係嗰啲地方買禮物，的確係又悶又易撞嘅。不過咁，小弟有個好介紹，美國Museum of Modern Art 你聽過啦！佢哋一向同好多Modern Art嘅藝術家合作，香港MoMA Design Store實體店已經登陸K11 MUSEA喇，呢度可以話係香港雲集最多藝術產品嘅地方，型格到爆嘅廚房用具、高科技gadget甚至係玩具都包羅萬有，送畀咩年齡層嘅同事都啱洗，包保唔會交換完禮物之後老尷！早排感恩節有推廣，不過唔緊要，而家實體店同埋網店一樣有聖誕新年優惠，由12月1號至27號期間，凡購買兩件產品即享85折，購買三件即享8折，肯定會成為今個聖誕揀禮物嘅熱點。
唔好聽到Modern Art呢啲字眼就以為係天價喎，MoMA Design Store嘅產品價格範圍好闊，所有產品都具備功能性同革命性嘅設計，即係話唔單止實用，擺喺屋企都十足十成件藝術品咁，呢啲就真係quality of life！MoMA Design Store佔地6000呎，大家可以慢慢行慢慢揀，呢個藝術設計殿堂齊集晒全球大熱收藏品同埋獨家限量產品，仲有可遇不可求嘅聯乘之作，唔理份禮物買畀邊個都好，起碼要去朝聖先啦！唯一缺點，就係MoMA啲product件件都咁正，買完真係想據為己有，唔捨得送畀人🙈。
其實今年公司好多飯局同event都postpone或者cancel，但係同事做嘢一樣咁辛苦，聖誕買份好禮物畀佢哋係必須㗎！唔講咁多住，我自己都睇中咗個Remy Pan Plus with Lid，有信心入手之後可以令我嘅廚藝更上一層樓。各位老細、HR、Admin，仲有Christmas party搞手，快啲去呢個網址選購或者嚟個巡禮先啦👇👇👇
https://bit.ly/officedaily
朝聖同埋實地選購就記得嚟以下呢個地址
香港MoMA Design Store 店址：
香港九龍尖沙咀梳士巴利道18號維港文化匯K11 MUSEA一樓 135號鋪
