🌈🌈🌈
小小回顧（長文慎入）：
2020年1月1號 @humming.publishing 蜂鳥出版社正式搵我出書，呢個係我人生其中一樣必做嘅事成就解鎖，我內心好澎湃激動，因為覺得終於算有人賞識，出書亦都係細細個其中一個夢想，《花漾十年》面世雖然冇大紅大紫大賣大勝，但總算對自己同中意我嘅人有少少交代，所以想多謝出版社同買書支持嘅你。
講起呢本書，1-3月時不斷構思本書要點開始同寫作大綱，差啲諗到頭爆想放棄，然後4-5月內要完成，因為要趕及7月嘅書展，所以2個月內點都要死出嚟，果時終於明白作家趕稿嘅心態，係有啲焦慮同憂鬱，好在當時有位好好嘅真正作家朋友 @kevintong_hk不斷安慰指導先好好正常𢴇筆寫作 ；正當趕書之際，剛好疫情第三波，我哋需要關舖，我就乖乖係舖度埋頭苦幹，當時同chow感情出現問題，心情低落，我同經理人 @iam_what_iamm 講我唔想寫唔想出呢本書，因為本書滿滿都係同佢去旅行嘅回憶，經理人一直安慰又勸我收拾心情，話：就當呢本書係我同chow嘅一個感情總結，後來想通咗就硬住頭皮好好完成，我知道入面有好多章節都寫得唔太好，因為我心情都唔係一個好好嘅狀態底下，但好彩最後都準時交書，亦好慶幸真係有完成。
當然疫情關係，就算我好努力好努力完成書商又印好都參加唔到書展，被迫延期又延期甚至取消，人生第一次做作家又參展又攪簽名會都一一落空，其實反而仲覺得輕鬆咗，因為好怕攪呢啲嘢，同埋幾好丫，印象更加深啊嘛第一次，哈！好彩好彩，係自己舖頭攪咗個小型簽書會同set咗個位俾大家上嚟買書，仲搵咗2個重份量嘅音樂人幫我創作咗本書嘅主題曲（唔開得名🙏🏻），多謝你哋。而家本書係各大書店同我哋舖都有得賣，希望你哋可以繼續支持，多多包涵！我本書未必好有營養，但一定有我最真摯嘅感情投放，每粒字都係我嘅真實經歷，未買嘅唔該俾個面買返本當支持吓囉！如果唔係我就一把火燒曬佢哋！🔥
2020年12月30號最後只能夠講：多謝！抱歉！愛你！🌈
My book in 2020. Play back my story of it. Tears always put into the book at all. Thanks for the supporting, buy it buy it buy it!!!💕I will glad to that.
多謝二話不說幫忙寫序嘅 @leungmanlai ｜@iam_what_iamm ｜@kevintong_hk ｜@tangsiuhau ｜@pantherchan ｜ @chowciaochow
#mumsnothome #花漾十年 #出書 #2020 #2021 #大事回顧 #adecadeofblossom #作家 #寫字佬 #身懷9把刀 #但無張利 #封面係瑞典斯德哥爾摩地鐵站影架 #主題曲 #寫字最開心 #多謝你哋
