由土瓜灣、佐敦到今日黎到天后新開張既分店，
我發現自己真係愛上左雞湯拉麵。自從食過
第一次後，不時都會再三回味，竟然收到風有新鋪，
緊係要去試下水準有無差別啦！首先餐廳門口依舊有
一大幅金鶴畫，氣派十足。座位唔算多，
但座位幾闊落，坐得幾舒服。保持到日本風格既
高級料理店，高雅脫俗。作為金鶴迷，絕對無失望呀！👇
-
📌史上極濃雞白湯拉麵 - $138
👉之前兩次都係就咁試普通版雞白湯拉麵，
今次諗緊不如試下貴價版有咩分別。
先睇下雞湯顏色，奶白色非常吸引，先試試頭啖湯，
入口果然比一般既更加濃郁。赤雞肉亦都保持到
高水準之作，嫩滑到不得了。牛蒡香脆爽口，
麵條爽滑，唔會過多鹼水味！
值回票價！
-
📌黑蒜醬油拉麵 - $98
👉平時市面上食開既黑蒜拉麵都硬係有種油膩感覺，
有時仲有種鹹過頭。有驚喜既係金鶴做到湯頭岩岩好，
入口夠香但唔會太鹹太膩，結果我飲哂成碗湯..
當然要大讚既仲有醬漬糖心蛋，
甘香醇厚，滷得好入味。麵條軟硬度適中，
爽口彈滑，同雞白湯果隻唔會差太遠。
-
📌Bless Cold Pressed Juice - $28
▪ 富士蘋果汁
▪ 橙汁
▫ 諗住想飲下野，但餐牌上絕大部份都係酒類，
隱約比我發現原來金鶴同Bless有合作，
聽講佢地100%零添加、完全潔淨、無人造色素。
嗌左兩個口味試下，味道唔錯，
感覺幾新鮮，唔會太甜，飲得過！
-
📍 金鶴拉麵
🎈天后炮台山蜆殼街6-16號寶榮大廈地下E號舖
