#中秋節月餅 篇🌕🏮
話說先排見到個又肥又圓嘅月亮先醒起，我又唔記得食寫評啦🙊不過放心，雖則都有一個月，但記憶都仲有嘅....
之前去醫院時途經#pantrybreadnpastries ，發覺佢地又靜雞雞推出咗月餅。其實Pantry Bread & Pastries 連我澳門嘅朋友都會想搭單買佢嘅月餅（我都係後尾先知😱）先唔講味道，我自己欣賞佢係，接單前一日先新鮮製作，原材料全手工製，保證無防腐劑，有人就覺麻煩今日落聽日就要拎，但如果咁樣可以食得健康，麻煩啲我都願意！
其實我都淨係識佢地嘅奶皇月餅，餅皮薄，餡料滑溜，個鹹蛋黃又香又惹味，同奶味取得平衡。（我自己鍾意叮熱少少食，味道更出，聞落更香，食落仲滿足）
奶皇月餅不嬲都熱賣，銷售量最高，而今年Pantry Bread & Pastries玩玩新口味，推出綠茶口味和竹炭芝麻口味，更有為「糖尿病人」製作的「無糖芝麻月餅」，月餅採用咗澳洲有機'natvia'取代一般糖，天然健康！
如果有選擇當然會想食得健康又開心啦，我欣賞店家係係依個繁華嘅香港，仲堅持用靚料，為客人著想👏🏻
👉🏻 可以訂購迷你奶黃月餅，雜錦奶黃月餅，有不同件數不同價錢；但無糖/天然糖月餅嘅好似要同店家特別訂購，有興趣嘅歡迎同店鋪查詢（唔好搵我呀，我無收錢嫁）
👉🏻 Pantry Bread & Pastries (九龍城)
🌍 九龍城侯王道24號地舖
