［龐巴迪四年新低，高位跌八成，市值同海洋公園差不多］民用飛機嘅嘢，波音VS空巴，美國對歐洲，兩分天下。好似美國選總統，民主黨共和黨。但其實都仲有啲冇乜人識嘅第三勢力。
加拿大公司，龐巴迪Bombardier就當然大過美國選總統嗰啲第三勢力。不過著實我從來冇坐過龐巴迪飛機（反而Fokker坐唔少）。然後發現原來舊年將民航業務賣埋畀三菱
見得最多龐巴迪，其實係……地鐵。深圳上海廣洲都好似有用，台北都有。其實香港都係！不過係ADTranz（原本德瑞，而家係龐巴迪）
股價失驚無神大插三成，史上最大單日跌幅，跌到四年新低，高位跌足八成。而多倫多股市四年升咗五成，而家係四年新高。而家龐巴迪市值得返150億港紙左右。- 真係咪講笑，救海洋公園嘅錢貼多少少，夠買起成間龐巴迪
send畀航空界朋友睇，仲以為空難。其實係盈警（話時話，空難都好少一日插咁多）。
同時間，公司亦可能會退出同空巴嘅A220合營項目—點解？冇錢咯。應該會大手撥備，下個月出業績就見真章，會相當難睇。其實都幾大鑊，亦幾唔抵，因為正係好似見到收成之時—但就要忍痛冚牌離場，因為冇錢。
公司應該會完全退出航空業，專心做返火車／地鐵。不過其實都唔多好景，之前先畀紐約市彈走佢300架車，列車行行下會忽然開門，紐約市仲話要回水，話龐巴迪賣垃圾。
BTW，龐巴迪消失之後，波音空巴打後第三，就係CMOAC，中國商用飛機。C919嘛。其實已經係第三大。第四講緊係俄羅斯。
（最新消息，話可能賣盤，合併，或出售某啲業務。但如果列車業務都冇埋，仲剩乜？）
c919最新消息 在 中國製C919客機本週日首次商業飛行 - 自由財經 的相關結果
... 商「中國商用飛機公司」（中國商飛，COMAC）所製造的C919，是中國首架國產大型客機，首架C919已在2022年底交付給中國東方航空（東航），最新消息指出. ... <看更多>