.
.
#好啱朋友Chilling聚腳嘅日式居酒屋
.
.
今日同老公拍下拖行下街，經過銅鑼灣登龍街，見呢間居酒屋幾多人排隊，一於去試下先，真係無排錯隊.....推介下先
💥Hungry Monkey💥
有師傅即做鐵板燒嘅Bar枱，旁邊亦有2人4人枱，燈光及裝潢都好有酒吧及居酒屋嘅風格，好Relax!
🍺叫左2杯酒精飲品
札幌啤酒
梅干威士忌割水
日本啤酒味道比較淡，無咁苦澀，幾啱女仔飲。梅干威士忌割水，用新鮮梅子加入威士忌，一啲都無辣喉嘅酒精味，飲落仲好甜，帶酒嘅微香及香甜，幾正架！
🍾來4個佐酒小食先
🍽梅水晶
係雞同魚嘅軟骨漬物，帶濃濃嘅梅味，食落好爽口，酸酸咸咸的，好有日式風味。
🍽芥末紫蘇章魚
好開胃嘅前菜，芥末帶出章魚嘅鮮味，配上紫蘇葉嘅香氣，章魚又夠爽口彈牙，又一風味菜式！
🍽炒日本青椒仔
以香蒜輕輕炒過日本青椒仔，清甜不辣，以面頭嘅木魚絲一齊食，感覺清新健康。
🍽魔鬼魚翅
魔鬼魚翅，都係第1次食。以爐火輕燒過，夠曬香口，魚翅有𡁻頭，仲有好香嘅魚味𠻹！
🦪法國聖馬田生蠔
同朋友1人嘆1隻啱啱好。吃起來滿滿嘅海水味，加埋檸檬汁及面頭少許明太子，既鮮又蠔味十足！
🥗比目魚邊沙律
油脂豐厚的比目魚，輕輕炙過，入口即融，滿滿魚油香味，配搭埋沙律菜及油醋汁一齊食，清爽不膩。
🦀松葉蟹肉甲羅燒
日本燒烤必點嘅甲羅燒 ！擺盤好靚，有滿滿嘅蟹膏及蟹肉，蟹膏質感好creamy，以青瓜片拌食，突出蟹鮮味，好好嘅配搭。
🥘拌炒壽喜燒
以洋蔥,蘿蔔絲,粉絲等不同蔬菜配上牛肉
及壽喜燒汁拌炒。牛肉就拌日本生雞蛋
一齊食，食起黎幾甜喎！
🔥明太子御好燒
日式燒餅，面頭有滿滿嘅明太子及醬汁，加埋紫菜碎同酸薑一齊，夠惹味喎！
.
.
食材新鮮,菜式特別有風味,下次約朋友再黎Chill下先😚！
.
.
Hungry Monkey
銅鑼灣登龍街1號金朝陽中心二期地下B號舖
.
.
#hungrymonkey #居酒屋 #日式居酒屋 #hkfoodie #cwbfoodie #hkblogger #hkinfluencer #hkkol #安琪拉的生活日誌
cwbfoodie 在 FoodieS銅鑼灣| 古今@kokon.cwb... - Foodie S's adventure 的推薦與評價
FoodieS銅鑼灣 | 古今@kokon.cwb CP值高色味俱全日本餐廳 位處黃金地段，估唔到都有唔貴、好食得黎又多款揀嘅餐廳。 今次揀咗幾樣嘢都好好食，最鐘意佢嘅卷物配搭， ... ... <看更多>