［吉利羅佑］ Aston Martin賣畀吉利？噢撈，占士邦車變成戰狼吳京車，諗起都興奮
真係現眼報（http://bit.ly/2FFbl3W）。早兩日先講完 Aston Martin唔掂，上市一年幾跌八成（仲要大市升唔少），應該要賣盤。話咁快就有買家，不過係中資吉利。
好彩我唔係車L（雖然我有車牌，但十年冇渣過），亦唔係英L（雖然我在英國讀Master，亦渣BNO），否則應該激到吐血。
想像下，原本嘅占士邦，變咗《戰狼》吳京隊長打鬼佬。My name is Bond, James Bond變成「焦喎鋒，冷鋒」。杯Dry Martini變咗茅台（或者周星馳個豬肉檔前面）。
但，你笑還笑，股價唔呃人，即時彈15%。投資者睇好睇淡，一目了然，唔到你外人扮專家拗。講真，Pizza Express 你咪又係咁食。係喎，中資的，不過又講真賣咗之後越嚟越劣，經營都困難，英國佬有好嘢唔會益你又一例證。
認真啲講，入股啫，未必成間買起，暫時都似乎唔會買超過五成。況且吉利，在大陸公司中，好似算係比較靠譜嘅。亦都一早有海外業務。瑞典富豪Volvo固然係吉利附屬，Daimler大股東都係吉利（不過只係10%）。吉利在英國，更加大把經驗，蓮花Lotus係佢嘅，倫敦Black Cab亦係佢嘅—BTW，Black Cab正係西米特蘭West Midlands廠整（你以為在倫敦整？），正係高雲地利，都話汽車重鎮。實務嘅英國人冇乜講咩民族品牌喎，冇咩唔賣得，啱價咪拎去洗，甚至乎好多係你接咗就損手。
鳴謝讀者報料，呢位讀者真係相識多年了，其實成篇文好多內容都係佢講，幫我出埋呢個Post都得。講真的，第時大家有咩好東西都可以報料畀我。
唔明個題，唔知咩係吉利羅佑嘅，呢度：（http://bit.ly/35KHtNT）
dry martini周星馳 在 [問題] 凌零漆大戰金鎗客的台詞- 看板HK-movie - 批踢踢實業坊 的推薦與評價
有一段劇情是周星馳在浴室詢問袁詠儀白包的事
一開始袁詠儀聽到白包很震驚
聽完解釋後才知道是指奠金的白包
請問粵語裡白包是不是有其他涵義呢?
看中文版不太能理解為什麼袁詠儀一開始會震驚
--
※ 發信站: 批踢踢實業坊(ptt.cc)
◆ From: 118.167.64.202
... <看更多>