＃15 承諾－方小薇 Sammy
劇情撮要：三年前Sammy俾Elvis飛完，Thomas咁啱想搬返香港，仲話不如一齊住。初頭Sammy都閃過一下同Thomas會唔會有嘢，但聽完佢講佢同比利時個好拍檔Judy因為Judy表錯情friend都冇得做就真係不了。上回講到Sammy出發去上海，喺樓下Thomas連byebye都唔講聲就返上屋企。喺上海睇完場、沉澱完一輪嘅Sammy返到香港決定唔返Thomas屋企，改去阿南度。前度Elvis無啦啦還錢，Sammy同佢見面算係放低咗恩怨。聽講Joyce入股Massam同Thomas一齊做老闆，其實Sammy有啲不是味兒，不過又好似冇咩資格嬲咁。Thomas既然諗好晒Massam嘅將來，又講到咁支持Sammy去上海，咁都無謂再諗咁多。有一晚，阿南瞓咗上張床，Sammy攬住咗佢，覺得好安全，佢哋就係咁一齊左。Sammy應承阿南唔會再好似以前咁，甩佢底，佢本身都係一個重視承諾嘅人。Sammy返Thomas屋企執嘢，聽到Thomas講嗰段遲咗咁多年而且動機不明嘅「澄清」，有嬲有傷心有可惜有後悔百感交集到一個點。本身Sammy諗住唔同小陸佢哋去旅行架喇，但係阿南真係好好，佢信任Sammy，又或者佢成熟都知道要俾返個選擇權Sammy。去到郵輪碼頭，Thomas又出手，咁多年來Sammy一次都冇收到過Thomas送嘅人像畫。Sammy睇到幅畫，心裡面一路默唸住：我同咗阿南一齊…我應承咗阿南…
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
大結局！今集個尾位同上一集一樣，都係郵輪碼頭等上船。＃14 Thomas口頭上話覺得Sammy唔會到，最後Sammy出現，算係happy ending。原來，另一邊廂呢集Sammy應承咗阿南去旅行唔會有咩事發生，但係Thomas又傻傻的出手。所謂的open end（有好多人問係咪留條尾寫續集，其實呢個ending方法係同兩個導演差不多一開頭就決定咗）。我個人就睇淡Mas－sam嘅，因為阿南實在太好喇！不過俾女士們投票的話我諗揀Thomas同阿南都一半一半。但係現實邊有阿南等你咁多年呀？仲離埋婚，仲俾你同「朋友」一家人去旅行？所以大家唔使揀得咁辛苦，現實係你都冇得揀！（希望佢哋四個唔好上咗有疫症嘅船）
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
今集年輕段落，所有年輕角色聚集旺發，只有上帝知道Joyce同Ken一早已經因為一把縮骨遮結緣架喇，哈哈。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Thomas仔細個喺肥波嘅介紹下去咗旺發，＃1 肥波登場，＃15 又有肥波，因為Thomas以往由比利時返香港一定會去食下肥波間茶餐廳架。肥波出咗場兩次，咁25呢？其實Elvis就係25英文名…佢都出咗場兩集架（＃14 同 ＃15）
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
關於昌叔最後到底點樣啫？！呢個真係始料不及地多人問，建議重看＃12同＃13尾段，記得睇清楚啲鏡頭同埋配樂，feel多次，我覺得一貫隱晦嘅導演今次已經算拍得幾明下。關於＃13結局Joyce去到會知幾多嘢，我就覺得佢見到地下有一袋新買嘅模型呢…連模型都唔拎嘅Ken呢…至於時序，＃13 Thomas同Joyce準備去銀行搞加名手續呢一場發生喺Massam嘅戲係物理時序上的最後一場，＃14 ＃ 15都係同員工講Joyce入股，餐廳有可能改名。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
關於主題曲「困局」
配樂Mike知道我同填詞嘅陳詠謙本身friend，所以叫我自己親自講個故事俾佢聽。睇到歎息橋最後一集嘅大家應該知道呢個故事係好難「講」嘅。於是我就由敘事結構講起，再逐條線用whatsapp audio message講一次俾陳詠謙聽，講到一口泡，我諗佢聽落一定心諗呢個什麼鬼故事喇…
https://youtu.be/gd9uvjHE_e4
最後歌詞好正好啱風格，「誰於溝渠描寫星圖」 完全係講緊我呀！寫歎息橋嘅後半段真係人生谷底到低無可低，我喺醫院床邊完成結局呢集，《歎息橋》就係我嘅星圖呀。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
其實呢啲每集分享只有兩集係一路睇一路打，其他都係當日下午臨時臨急寫完schedule定，總係覺得漏咗好多嘢想分享又未講晒！有空再同大家討論。希望我哋We3團隊（即係Bowie＋25＋肥波）好快再有新作品同大家見面。多謝支持！
【歎息橋】向王家衛經典致敬？ 導演肥波：冇刻意模仿！
https://www.hk01.com/%E5%8D%B3%E6%99%82%E5%A8%9B%E6%A8%82/…/
再大推：
插曲 「Yours Truly」
Youtube：https://youtu.be/xGHwQ37JBbk
KKbox：https://www.kkbox.com/…/song/gua00.2Oq55sBrllsBrll0XL-index…
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Fatballslim 25 #歎息橋
elvis英文名 在 Why is Elvis Called the Cat King? 貓王的名字是哪裏來的？ 的推薦與評價
貓王的 名字 是怎麽取的？為什麽把人叫做貓？這其實是貓這個英語單詞的特殊用法。我們來聽經典歌曲來學英語。歌詞裏面有很多地道發音和表達方式， ... ... <看更多>