輝哥係一位喺薯仔公司工作咗超過20年嘅同事，今年佢終於屆滿退休年齡，喺退休同事last day呢日，我哋HR都會約佢傾下計，問下佢意見。
輝哥雖然喺香港好多年，但佢一口X仔呀姐嘅口音都係改唔到。一嚟到HR就大大聲講：
「喂薯哥，wo買咗熱戀茶同蛋膠錢你哋實，唔好同wo客翅呀。」
*為咗方便大家閱讀，以下我會將下輝哥嘅對白翻譯成純正廣東話*
說時遲那時快，同事已將熱戀茶同蛋膠重重包圍，我就同輝哥入房做正經嘢。
喺同輝哥講解完離職手續之後，就問下佢對公司嘅睇法。佢忽然問我：
「你識唔識Mark哥？」
我識邊個係Mark哥，不過佢唔識我啫。輝哥口中嘅Mark哥係前任嘅HR Head，早喺我入嚟之前已經退咗休。但我成日都喺舊文件見到佢個名，所以我知佢係邊個。
「公司雖然變咗好多，但好彩有樣嘢都冇變，就係對同事退休保障嘅重視。」
「十幾年前我成日都想走㗎，不過我做到退休好大原因都係因為Mark哥。」
「Mark哥對同事好好，特別係退休同事。記得有一次喺我舊老細退休party佢講過：重視同事嘅退休保障係公司最重要嘅政策之一，公司希望可以令大家有更好嘅退休生活。因為其他同事會見到公司點對待退休員工，佢哋先會有信心喺公司長遠做落去。」
「到今日公司嘅政策都冇變，真係好難得，你記一定要維持落去呀～」
薯仔公司嘅退休相關福利的確係唔錯，除咗有唔錯嘅額外強積金自願性供款、獎金、仲會安排禮物、farewell party等，原來係當年Mark哥嘅德政。從輝哥今次輕鬆嘅會談，彷彿又上咗重要嘅一課。
人總有日要退休，員工嘅付出係值得我哋去重視。無論同事最終會唔會喺公司做到退休，當佢哋見到公司點關心同事嘅退休保障時，都會增加對公司嘅信心。
重視員工退休保障絕對係重要嘅僱主形象政策(Employer Branding)，其中強積金係員工重要嘅退休保障，積金局已經連續7年舉辦「積金好僱主」嘉許計劃，表揚一直加強僱員退休福利嘅僱主。機構只要喺2020年4月1日至2021年3月31日期間附合指定條件就可以申請，獎勵包括使用積金好僱主標誌、證書等，機構名稱亦會上載到積金局網站。各位HR記得申請呀，「積金好僱主」logo可以放喺公司網頁或請人時宣傳用㗎～
詳情及申請：
www.mpfa.org.hk/goodMPFemployer
employer翻譯 在 [辦公室英文] Notice Period 到底是什麼意思? 通知期間? 被正在 ... 的推薦與評價
[辦公室英文] Notice Period 到底是什麼意思? 通知期間? 被正在英國找工作的朋友私訊問過幾次什麼是Notice Period? 該怎麼回? 有一人有問題代表更多人 ... ... <看更多>