【Netflix亂篤爆笑片：《大明星小跟班》】
唔知係咪睇完《咒怨之始》同《Dark》，Netflix彈出嚟嘅嘢套套都係Dark到冇得再Dark，唔想太沉重不如搵吓笑片，又衰在Netflix笑片原來多數都好Popular，冇乜邊套未睇過，篤篤下搵到呢套《大明星小跟班》（Get him to the Greek）－－香港冇上正場嘅。
睇睇吓好似咁熟，搵返資料先知原來係《失戀精華遊》（Forgetting Sarah Marshall）續集／平行時空，雖然《失戀精華遊》香港都係冇上正場，但堅係笑到抽筋，將一段「綠帽」失戀sad到震故事寫到咁搞笑，喺飛機睇忍唔住笑到俾人望住我，而呢套Netflix都有嘅。
《大明星小跟班》即使冇《失戀精華遊》咁過癮，都係走果種不文style，除咗有一見到佢賤賤格格就想笑嘅Russell Brand，仲有當年未正式走紅嘅Jonah Hill，兩個人嘅火花出奇地強，靠佢哋「一個願打一個願捱」，先擦出到好多笑點。
故事好簡單，講個唱片公司小員工要請個過氣明星返去開演唱會，點知明星私生活原來跳曬掣咁勁失控，要請得郁佢當然鬧出連篇笑話。Jonah Hill最擅長做呢類無奈小男人，high大咗一場雖然事後喺《逃學黐孖咇》（21 Jump Street）玩得更癲更經典，但呢套一樣好搞笑。主線講「做人跟班好艱難」，對比早前《我老細係天后》寫得幾有情味，呢套無無聊聊咁都幾過癮。值得一提係開場段MV已經勁抵死，估唔到Rose Byrne曾經演喜劇咁放－－後期如《賤鄰50》總覺得佢唔多適合搞笑。
除咗睇大片之外，我諗另一樣懷念嘅，係入戲院睇呢類無厘頭笑片，果種熱鬧狂笑氣氛，係你自己一個人望住電視傻笑比不上的。
【‼️留意‼️】
「晞。觀影記事」Patreon加強版已經開幕，更多精選深度獨家電影文章，請即訂閱：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
forgetting sarah marshall 在 FORGETTING SARAH MARSHALL trivia at THE PRECINCT 的推薦與評價
For the first time ever: It's FORGETTING SARAH MARSHALL trivia! Join us at The Precinct for a Wednesday evening of amazing food, great drinks, and... ... <看更多>