《其實香港小姐選舉係令到你明白，香港係冇向上流動嘅任何機會，你窮，你下一代只會更窮》
今日有個朋友問起，點解近呢十幾年嘅香港小姐，冠亞季軍甚至落選個D 都係歐美加回流，唔識 講中文嘅竹升妹？其實香港小姐選舉，係完美咁反映到香港地係 缺乏向上流嘅任何機會
點解選到冠軍嘅都係竹升妹？因為個制度只係比有錢人入選....
一開始個制度就唔受 local玩，入選到嘅其實都係有錢人，有錢人將佢哋嘅小朋友 send去外國讀書定居，其實呢件事就好似大公司請mt一樣，通常shortlist嘅mt都係外國大學畢業嘅回留學生，local通常都只係做石榴嘅角色，伴住主菜秋香。所以選到冠亞季嘅好少會係 本地薑。
其次，窮人係冇貪慕虛榮嘅資格.....
好人好姐，local大學畢業，你窮，成個社會就expect你要腳踏實地，認認真真咁搵份工 ，你係一個窮人，選港姐就係貪慕虛榮不切實際發明星夢。你係一個有錢人，選港姐就係實現兒時夢想勇敢表現自我，跳出自己comfort zone嘅表現。一個普通要還grant loan 嘅local大學生，落選嘅opportunity cost其實好大，你落選死死地氣打份工，都會遭受社會歧視嘅眼光，只有你屋企大把錢， 你落選先至可以喺tvb做茄哩啡繼續hea而不愁衣食。
個社會愈向錢傾斜， 我地嘅審美觀就愈膚淺....
以前嘅社會對於美女嘅要求，就係外貌談吐儀態自信同智慧，但我哋個社會越向錢傾斜， 我地嘅審美觀就愈膚淺。唔知由幾時開始， 我哋對美女嘅要求，係包括家底，父幹，overseas exposure 。 以前嘅智慧係讀完香港大學，而家嘅智慧係有冇錢去外國讀名牌嘅大學，今時今日嘅美貌與智慧，更加需要金錢去打造同包裝。
香港小姐選舉絕對肯定咗無論有錢人定窮人 ，都係崇洋㗎，去過外國讀書嘅女人係靚啲㗎.....
社會覺得冇去過外國讀書個女人就唔夠氣質，cheap cheap哋，浸過鹹水就截然不同。大陸人東南亞人譚仔阿姐 唔識講中文，你會笑佢，abc放洋留學移民回流唔識講中文，你會敬佩佢。
越有錢嘅人越難否認佢哋崇洋......
所有有錢嘅人都送哂自己嘅仔女去外國讀書定居 浸鹹水， 所有有錢嘅人都好proud of 自己嘅小朋友唔識中文，唔識中文係一個 良好高貴嘅身份象徵。
然後你就更加明白，支持母語教學嘅有錢人係專登設計母語教學玩死你地啲窮人.....
母語教學係設計來differentiate 有錢唔識中文嘅小朋友同local 小朋友架。有錢人又點會比自己嘅小朋友同local 嘅窮人同level。
最可笑係你呢班local 嘅窮人質疑 個冠軍唔識中文點樣represent香港？
人地根本冇諗過represent 你地班窮人，個冠軍出嚟話自己i don't care你哋嘅comment，自己根本上就唔識得睇Chinese。兜口兜面話畀你哋啲窮人聽，佢完全冇打算討好你地班窮人，因為作為有錢人，佢贏左啦，我就算唔靚，唔識中文，喺個official 嘅制度，我都唔會輸架，你地班窮losers，繼續指責我，都係徒然架...
