至於你信不信黃大鈞的描述......
警方會否憑這段描述，邀請(或要求)黃大鈞落口供？
關於那個律師陳子遷「懷疑被私了」一事，有報道說指「因為政見不同與人發生爭執」。由於當時我就在現場目擊事件，所以想同大家分享我見到所謂的「爭執」是如何引起，而整件事我回想起都覺得好「詭異」。
當時我同鈞嫂沿銅鑼灣禮頓道往南華會方向行回家途中，過咗PCCW大樓未到HKU SPACE，突然喺我前面約十米，有一個男人忽然轉身再向天及對面馬路嘅人群，歇斯底里地咆哮「最衰係你哋班人...」
基本上我同鈞嫂都感到非常突然，因為喺佢身邊根本見不到有任何人，近到足以同佢有身體碰撞，亦不見有人同佢發生口角，而佢大叫又沒有特定的對象，點解佢突然間會「爆發起來」呢？當時我還估呢個人一係high咗嘢精神失常，再唔係就係鬼上身？
之後就有其他人從馬路那邊同佢開始對罵，然後再有人走過去佢身邊，繼後發生的事，就如網上片段所見。
事後睇到有報道指呢個男人係41歲嘅律師時，我承認我係非常錯愕的。因為我覺得那個人唔似41歲，現場見覺得起碼五十幾，亦與報道的律師profile相樣貌頗有差別。
而現場男子的行徑，也令我很難相信他是一個律師，點解佢會突然對其他人挑釁大叫？係失常？鬼上身？定係有「特別原因」？
