做網上content，總是面對一個dilemma（兩難），出太啖啖肉的content，好多時會過於technical（技術性），令到冇人想睇。
網絡內容碎片化，網民碌Facebook時唔想用腦，某程度上，出無聊內容，先會有多啲人睇，但又令小部分好好學習、天天向上的讀者寶寶覺得你喺度掗字數、扼like！
有人會話，其實你唔介意冇人睇咪得咯！咁功利，要人like先肯出content咩。其實我以前都係咁諗，其實我寫文放上Facebook，都係當係自說自話，自己寫下日記，當like係浮雲。但係你試下將寫野當係job咁做丫。Time is money，你真金白銀付出左咁多時間，日日花一個鐘出posts，但又冇人like，傳媒本應是專業，但你日日做義工，都真係咪話唔灰。
前陣子發覺有朋友觀察香港的知識性創業有咩成功例子，舉出 好青年荼毒室 - 哲學部 作例。我自己都好敬佩佢哋咁勤力出content哲學之餘又做到貼地，又有自己style，少啲底氣同勇氣都唔會做到！見到有啲page一出啲有用既content就好似要咋著支槍逼人like咁（要幾多like先會做live），其實我明，我真係明點解人地要做到咁。只不過我自己唔想咁，覺得要做到coerce（強逼）人地like咁，又好似好冇意思。
香港僅有比較接近知識份子既存在都走左去做傳統尖子行業：法律、金融、醫療，以前我有做上門補習既時候，有家長問我：Tiffany你英文咁好，點解唔去做公務員？第日當你老了，有家庭了，就會後悔架喇。以前讀Law既時候有一科叫Legal Theory，裡面有講到Immanuel Kant（康德）既道德觀，有一個原則叫Categorical imperative，好似係話：我地每一個人做每一件事，都要問自己，如果每個人都係咁做，咁o唔okay？
我唔知教英文能唔能夠令我發達，我只知道，如果每個精英都去曬做已知會賺大錢既工，變成“He who can does; he who cannot, teaches.”（有能者做，無能者教）既景況，教育係唔會有發展既。
（咦？頭先係咪有人自稱精英？）
immanuel意思 在 今天小編來送好康囉！ 題目：以馬內利是什麼意思 ... - Facebook 的推薦與評價
... <看更多>