【迷你監聽】日本推出專業級JBL 104-Y3小型專業鑑聽喇叭
音響從來都是根據世代演化的電器，有一種音響喇叭叫監聽喇叭，大家有幸去參觀錄音室好容易見得到一對對書架仔咁，不過近年來網絡KOL盛行，好多網絡上的影音或製作，其實唔太需要專業錄音室，家居的音樂影音製作也有好多發展空間，一對好聲細小的監聽喇叭就有需要有市場，要比傳統的書架喇叭更細小，像過去的小型電腦喇叭一般，卻要出到監聽喇叭需要的聲音和還原度，JBL就在日本市場率先推出104-Y3 小型鑑聽喇叭！8月7日於日本販售，價格為16000日元即($1150港幣)！你話：「頂！咁咪即係電腦喇叭仔囉，又改個名咩監聽喇叭！」朋友你返去讀讀市場學啦！！
