今天的頭條日報有介紹我們的音樂報道！謝謝粉絲褒一直幫我們剪報，拍照等等...謝謝你們花的心思！you guys are amazing!
問朋友借衫出Show Robynn & Kendy捱出彩虹 (頭條日報 04/01/2014)
女子組合Robynn & Kendy先後推出3張唱片，去年初推出了第2張專輯《Dear Diary》後，去年尾又推出唱作專輯《Sail away》，如此時勢還可一年出到兩張大碟可說相當厲害，兩位小妹妹異口同聲：「得到唱片公司支持，音樂航道上我無風無浪！」唔使做兩碟（因舊約列明只出兩張唱片）歌手，Robynn & Kendy經已心滿意足。
採訪：方騫平 攝影：譚壹致 髮型：Eagco@Queen's Private I 化妝：Kirsty Lam 場地：LAB by Dimension
一直以來，Robynn & Kendy推出的專輯都是全創作加翻唱經典歌，今次兩人實行多方面的音樂嘗試，破天荒以全原創音樂打天下，Robynn說：「呢張唱片好有意思，因為每首歌都包含一個小故事，不論係好同唔好經歷，但最後都係帶出正能量，例如《今天只講笑》係抒發被逼交歌心聲；《第十行星》係處於驚恐迷茫期，想逃離現實世界，都幾特別。」
珍惜幸運
兩人自詡幸運兒，兩年來一直獲唱片公司支持，沒有遇過黑暗的日子，所有壓力都係自己畀自己：「其實最初同公司簽合約只係出得兩張唱片，我打定輸數唔會再有機會出到第3張唱片，就算係咁都唔會後悔，總算係精采過，點知兩年內出到3張唱片真係奇蹟，我好感恩，好珍惜，希望呢個奇蹟可以延續落去！」新唱片以航海做主題，兩人堅信有機會繼續在音樂旅程上航行基於有信念和努力，憑信念，不可能的事也會變成可能，正如她們跟無伴奏合唱團合作一樣。
講到收入方面，兩人大笑說：「總算OK，得到合理酬勞啦，我唔介意捱麵包，因為本身就係鍾意食包！我飲食好簡單，錄音時要暖水加喉糖，服裝費慳得就慳，除交換來配搭，甚至會問朋友借衫，唔介意人舊衫同舊鞋。」
※對於一年可出到兩張大碟，Robynn（右）及 Kendy（左）好感恩。
※新唱片以航海做主題，兩人坦言全靠信念才能捱落去。
※出道兩年，Robynn & Kendy同好多前輩如林子祥合作。
※Robynn & Kendy經常開音樂會，去年便邀得林一峰擔任嘉賓。
※兩人剛在叱頒獎禮上，奪得叱樂壇組合銅獎。
http://hd.stheadline.com/ent/ent_content.asp…
