因為武漢肺炎疫情持續，宅經濟需求大增，其中一個受惠嘅可以話係任天堂嘅Switch主機。但其實我呢個post唔係想講Switch，而係想講香港樓市。
日本日經新聞報道，任天堂已要求零件和代工組裝廠家等供應商，擴大4至6月生産量。京都遊戲開發商預計，2020年Switch生産量將比2019年的2000萬部增長一成，即約2200萬部。惟任天堂指出，部份零件供應前景未明，暫未能預測供應實數。
係呢一排其實除咗投資決定之外，最多人問我嘅恐怕就係買自住樓嘅問題。大家係睇呢一篇短文嘅時候就先放低投資嘅部分先，我哋你踏踏實實睇吓如果一個想上車自主嘅年青人，應該點喺呢個時間去判斷應唔應該入市。其實要討論呢個問題個基本邏輯唔難，我今次用任天堂Switch來做例子大家可能就會易明啲。
首先我哋要明白Switch何解會炒，我第一當然就係因為疫情持續大家都出唔到街啦！咁出唔到街都要有娛樂，所以大家都諗到去打機。因為一段時期的需求特然增加。其他係因為動物之森出，所以之前一下子靜左嘅switch巿場又旺返。呢個你可以睇為單一嘅事件，但事實上任天堂嘅遊戲，次次出都有一定捧場客，之前的pokemon同mario系列遊戲可見一斑。
所以，一個商品會不會升，我地睇兩樣野。一係供應，二係基本因素。供應不夠，自然會搶高價錢。香港嘅新增私人住宅量近7,8年幾乎沒有一年係足夠的。未來數年發展商都己經講明仲會縮，所以樓巿的供應量掌握在四大地產商手中，供應無可能一下子增加。呢個係其一樓巿難大跌的原因。
其二係基本因素，正如switch如果無game玩，佢賣幾錢你都唔會買。樓巿同樣，如香港樓嘅前景不樂觀，樓價因為香港客觀因素改變而令增長長遠受影響，咁投資者都無理由為無投資回報嘅野投放金錢。
一部switch二三千對好多人黎講跌都跌左，但一層樓，大家就要慎重考慮了。問題不在買不買，而是買什麼。
