【#狂迷投稿】〈金都 My Prince Edward〉 文：Little Froggy
—「Golden Scene三寶：頭盤」
⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄
個頭盤好舒服，fresh之餘唔會油膩。講真我對導演兼編劇Norris黃綺琳頗有好感，好欣賞《嘆息橋》的劇本，看完訪問後更欣賞Norris，對答得宜之餘又有才華，墳詞編劇再做埋導演，工作女性是自帶有她的獨特吸引力。
.
金都，我第一印象以為金都係尖沙咀的百利商場，一樣係囍事集中地(哈哈)。結婚從來喺我腦海中係其他人浪漫，但現實。。。真係好像一場大龍鳳，所以個人黎講暫時對婚姻無幻想。
.
Golden Scene小品佳作，個人認為電影中英文名都改得十分出色，中文突出地點，英文突出人物。其實一套好電影(或電視劇)真係不需要下下都大casting大製作，導演有心拍個有地道香港味道的故事出黎，劇本有頭有尾，對白唔離地，演員有火演好作品，配樂同個故事夾，對觀眾黎講，就係一種享受。
.
Stephy淨係看佢做過葉念琛啲戲，朱康淨係知佢係朱謙細佬。喺《金都》入面Stephy算演得自然，朱康其實覺得有啲位少少過火，但無傷大雅，同埋佢肥嘟嘟有肉地好可愛。兩位主演演員火花同默契都有，而內地演員金楷傑畀到驚喜我。林二汶雖然個角色工作環境唔係好襯佢，但全劇啲配樂做得好出色，好有feel，做Stephy 老死都好稱職。老是常出現的岑珈其繼續發揮「你睇我唔到」的威力，場口雖畀張叔平cut走左好多但一出依然好爆，係帶畀觀眾歡樂的角色，繼續加油!
.
電影內最鍾意的比喻，係一開頭芳唔覺意指住隻反肚龜點知店主畀左第二隻佢返屋企養，返到屋企畀未婚夫Edward話佢之不過係將隻龜從一個籠搬去另一個籠到。但芳仲係好記掛隻龜，付出心力去照顧佢。但中間經歷了一些信任考驗和「第三者」出現後，尤其當芳知道未來奶奶因風水不合原因無問過佢就放生隻龜時，芳的情緒觸發點終於大爆發，當著Edward面色問他結婚後會否連養龜的自由都失去。女方想向男方暗示結婚這個決定未必對大家最好，但Edward以為買過隻龜就可以解決問題，芳終於按捺不住離開窩居。
.
其實套戲看多幾次都唔會厭，可以從多方面詮釋劇情，除了一兩場劇是男女主角情緒大爆發外，其他情緒起伏不會太大，但餘韻好長。主題曲清脆的ukulele琴聲自有它淡淡憂愁但又不失對前路樂觀的感覺，一首歌，包含了三位都市才女對主題曲的努力，希望Norris能繼續開戲，香港電影終有一天發光發亮。
.
《金都》主唱：鄧麗欣
作詞：黃綺琳 作曲：林二汶
編曲：羅健邦監製：林二汶
棲身 金色 都市裡 要牽手
襟花 婚紗 一對對 喝喜酒
霓虹炫耀 分享和佔有
同床沈默 從夏季 到深秋
誰用幸福 換取自由
階磚 窗花 封印了 我擔憂
街燈 煙花 普照了 那出口
逃離還是 相擁如摯友
情人如舊 提示我 要出走
遺下幸福 自己浪
想飛 想跑 想妥協 怕更改
想哭 想笑 想放肆 放得開
為何流淚 把感情灌溉
為何疲累 才是你 眼中的愛
寧願 尋獲我 那點感慨
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
prince edward中文 在 太子Creatreading Prince Edward - 創閱學中文認字班課程 的推薦與評價
K1的小男孩 跟哥哥一起來上課，老師都覺得你有著哥哥從前小時候的影子 其實起步如何不重要，最重要係愉快學習，不斷有進步就好叻叻！ 誘發孩子自主學習， ... ... <看更多>