呢期有個後生男子入咗院，入嚟嘅時候佢腳無力，屙唔到尿，射唔到精，仲瀨屎。到而家呢一刻咩檢查都做過哂，醫生都係搵唔到佢係咩病，要搵埋professor 研究。
佢大大話話都留咗院兩個星期，佢老母日日喺醫院瞓喺佢隔離陪佢，反而老婆都唔係日日留喺度。點知噚日佢哋三個喺病房嘈喺上嚟，個後生仔係咁鬧佢老母，話佢piss him off，呀老婆仲加把口一齊鬧老母，最後老母手執幾袋行裝，俾佢哋鬧走咗。
我都好驚面對呢啲尷尬位，點知好衰唔衰我落樓下買飯食嘅時候見到老母坐喺個小公園發呆，一個唔小心同佢四目交投，硬住頭皮問咗佢一句are you ok? 佢一聽到呢句即刻崩潰狂喊（我都明，無人問候都好地地，一問就會秒淚崩）
講真，我真係好少用英文安慰人，開口第一句係：你日日都留喺度一定好大壓力喇，不如你返屋企唞吓啦，我哋會照顧佢會keep him safe，你唔駛擔心。
佢聽到我咁講，仲喊得誇張咗，好大力咁攬住我，我諗我可能講中咗佢最擔心嘅嘢。
跟住我再同佢講，佢而家嘅病有啲複雜，可能佢自己都未接受到，有情緒變化都好正常，你都要體諒吓佢呀。
佢點點頭，同我講佢都有嘗試理解佢。不過嗰個係佢個仔，佢好緊張好驚一行開就會出事。
最後我同佢講，你已經好盡力，其實佢一定知你好錫佢，不過your have to take good care of yourself before taking care of others，返去唞一唞，冷靜吓，聽日再嚟探佢啦。
佢開始冷靜返，最後攬實我錫咗我一啖，話佢老公嚟緊接佢，同埋好多謝我陪佢傾偈。
用英文安慰人真心有啲淆底（唔好話英文，用中文都會辭不達意啦），不過只要你係用心聽，用心講，對方一定會明白。
希望老母快啲收拾返心情啦。
take good care of yourself中文 在 法鼓山- 《照顧好自己》英文版Take good care of yourself 的推薦與評價
... <看更多>