［今日寫呢啲］已經從善如流，改善咗個影音版模式。由今日開始每篇都會有埋聲音版同埋影片版（錄住手機讀）
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
星期六寫咗篇Domino’s Pizza跑贏Google嘅啟示，個人認為不錯。除此以外，大市都幾悶，但我鍾意悶嘅市。又唔係聽日退休，咁快升晒點掂？最好梗係我買齊晒貨先升。「咁股災你咪好開心？」，又唔係喎，跌市真令人懷疑人生的，所都係悶悶地嘅市好。
唯獨要講，兩隻港股通北水新貴，心通醫療2160同醫渡科技2158，星期一都比較弱。Patreon文有教你點處理。
宏觀嘅，唔怕話埋你知，我個睇法係，通脹必然嚟，但股市繼續升。另外分享咗PIMCO前CEOEl-Erian嘅文，此人之前都幾燈下，一路講爆煲，講咗好耐。但呢篇還不錯，你見近期通脹明顯升溫，通脹預期又升溫，公司又請唔到人，即係人工應該會升。但點解債息反而唔升？睇埋最新耶倫講嘅嘢，你可能都明：就係投資者都知道通脹會升，但睇死聯儲局會忍，根本唔會加息或縮表。詳請文中有講
個股嘅，咩Black Rock愛馬士 Nvidia嗰啲又新高就不講。但有幾隻得意啲，首先係DropBox，少人講的，但我地Patreon舊年已經話係賣盤對象，星期一晚又新高。
另外隻三星房託3187都新高，不過呢啲你唔好期望個價會升得好勁，加租空間應該唔大，特別係寫字樓有排都未返到以前，成個模式都唔同咗。
得意嘅係Facebook，明明又話個個杯葛冇人用，但股價又新高。上次業績其實好強，但3月底已經升，到4月出業績反而插．而家不經不覺又一季，會唔會又係咁玩？不過真係要睇iOS私隱設定對佢嘅影響。呢隻真係一早已經狂推。
每日一圖嘅，三個。第一個係摩根士丹利嘅combined market timing indicator 創咗新高—但之前幾次都捉到個股市頂位，見到估值極貴，睇下今次又中唔中？
第二個，又唔使怕，根本你睇返N咁多個情況下，拉長嚟講，股票都係跑贏晒其他東西。但又留意返，你可以睇下買股票一年係有幾多回報，咁你出面有人話幫你年年三四成嗰啲，就祝你好運。
第三個大約都分享過，咪啲「舊經濟」股今年翻生。福特福士跑贏Tesla，迪士尼跑贏NetFlix．點解？文中有講
Good Read嘅，又係三篇。第一篇講FinTech，又係好多人當係「顛覆者」，但真係？RobinHood應該搶咗傳統券商唔少生意，但，咪又係payment for order low益Citadel！至於銀行更唔使講，香港堆virtual bank仲係睇唔到點賺錢，有啲仲要根本係銀行背景。實情就好合理，等於煙仔商都入股電子煙。香港最成功嘅FinTech？當然係Payme，亦即係匯豐。銀行而家不知幾咁擁抱啲Fin Tech公司，最後你發現FinTech服務嘅好可能係銀行，唔係你。
第二篇嘅，職場求生術，話畀你知啲潛規則，同埋點樣應付。呢啲文坊間極多，差不多任何求職網都有。但我揀過嘅梗唔同。話埋你知嗰9個法則：任何人都可以被取代，度度都有政治，大家啱嘴型重要過一切，個個同事都同你競爭，做嘢要畀人見到先得，好多公司啲改革根本就係混吉為改而改，你係去執行啲白痴決定唔係去質疑，大把白痴嘅企業人格測試，分花紅多數都係亂咁嚟冇乜準則
最後一篇，某統計，好可能唔多科學。但，啲友拎幾錢買加密貨幣？原來中位數係7000美金。咁就死得，根本升10倍你都唔會點有錢（100倍就好啲）。但係咪呢啲人本身窮？又唔係喎，原來只係拎3%投資去買。果然個個都講就大大聲。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
virtual bank人工 在 ZA Bank - 【ZA活期Go 幫你自動加人工1%！】 呢個時勢 的推薦與評價
ZA活期Go 幫你自動加人工1%！】 呢個時勢，自己人工自己加！ 作為香港第一間虛擬銀行，ZA Bank推出全城最高嘅1%¹ 活期儲蓄年利率，無任何門檻，即存即享，日日計息， ... ... <看更多>