#你的功課是你的責任
K2開學兩星期，每日都係忙碌中度過⋯⋯
最忙的時候，花最多的時間莫過於教紅豆寫字。
紅豆K1時，學校唔教寫字，只需要不斷畫圖畫同油顔色，功課量又唔多，整個K1都不知幾Happy。
K2班主任係比較有要求的資深老師，對於字型有比較高的要求，望住收返嚟嘅功課簿幾乎每次都有紅筆糾正就會感受到🥶
升上K2，只能說⋯⋯是真的「來了」，最唔想面對嘅教「寫字」真係教到爸爸大動肝火。（係呀，教寫字呢part我外判咗俾爸爸😜）
話說呢幾晚爸爸教寫字，心散嘅紅豆當然就一邊心散一邊學習～
大家一定估到下場係點🤭
就每次差唔多成粒鐘，兩行眼淚兩行鼻涕咁練習寫字（寫功課）
一向唔主張擦小朋友功課嘅爸爸，都忍唔住擦咗好多次。 天吶～教小朋友真係一門高深學問。
紅豆嘅問題在於對自己無要求，小朋友的邏輯，就係「有做」=「已做得好好」
但父母觀點就係，明明你可以做得更好，點解唔嘗試努力。
爸爸尋日語重心長同紅豆講：
「你啲功課係你自己，唔係爸爸，唔係媽咪，你明明自己可以做到，仲做得好好，要對自己負責。 由聽日起，我哋唔會再擦你功課，你認真寫嘅，只要自己覺得寫得好嘅，我哋就照交俾老師，寫得唔靚，你自己指返岀嚟，我哋先幫你擦，你再寫過」
紅豆點點頭表示同意。
奇蹟嘅事真係會出現，今日我放低老師要求做嘅兩本功課就走開，5分鐘後行返去睇佢，真係 #自己功課自己做 ，今日好快手搞掂👏🏻 ，爸爸教功課果然唔同，起碼講嘅說話有聽入耳 （媽媽說話經常當耳邊風🙄）
希望「 #對自己有要求」呢個情況可以維持耐啲啲，唔好咁快打回原形😶🌫️
#紅豆daliy #3Y11M27D
