Search
自從生了第二個BB之後，待在家裡的時間變長，加上在餵人人奶，好容易肚餓，原本唔食零食嘅我都開始了零食人生🤣。
最近被我找到ㄧ款超正嘅小食，就係Marks and Spencer的Sea Salt and Pepper Twists，不要看它一根根像麵包棒ㄧ樣平淡無奇，你一但開始，真係停唔到口，一根接一根，嗰脆度又好正，又有好香黑椒味，實鹹味小食第一名。
係屋企湊兩件其實真係沒有#metime可言，不過都要偷下閒食幾餤好味嘅嘢！
不過唔係間間M&S 都有得買，想試嘅要找找，我係Festival Walk 又一城買到。
By Rita
#下次返台灣有新手信帶
#雖然包裝寫madeforsharing但我ㄧ點都唔想share
#鹹味小食第一名
#試過就知
#另一款芝士味下次試
#hkfoodie
#潮媽帶你食好西
#潮媽不負責試食報告
#台灣人在香港
今日黎到觀塘既樓上鋪西餐廳
今次食晚餐,一人一個SET既晚餐
食物環境不錯,但位置不多最好訂位先黎
搞完一大輪手續填紙仔就坐低
未落單就先上麵包,有碟油醋比你配黎食
味道不過不失,如果可以烘一下先上更佳
叫左兩杯特式飲品,餐點未上菜
可以飲住等上菜,大約20分鐘左右就開始上菜
所以呢度唔係食快餐,唔好預期5分鐘就有野食
另外提提你,呢度切餅收$100
飲到一半就正式開始上菜
先上前菜既巴馬火腿芝士脆片配蜜瓜片
另一款係黑松露意大利雲吞
同埋是日餐湯
蜜瓜明顯唔夠甜,火腿夠咸香
雲吞好大隻,唔係個隻一口SIZE
不過做得幾好食,肉餡幾鮮,個汁夠濃香
上次黎過食牛扒,今次就決定換口味
G款同B款既主菜
香煎北海道帶子黃金蟹肉意粉 $198
意大利惡魔烤春雞 $228
食主菜之前飲埋個餐湯係薯仔濃湯
只有薯仔既味道,質感係綿滑,即係飲緊薯仔蓉
味道無問題,但單調左少少
可以加返少少香草更佳
春雞,烤得好脆,雞皮薄脆
切開仍見到好有肉汁,另外墊底有紫薯蓉
雞夠嫩肉亦多,聽說係經典料理之一
代表有辣味既嫩雞,但辣度可以再勁少少
香煎北海道帶子黃金蟹肉意粉 $198
有一隻煎得香既帶子放意粉上
見到大量既咸蛋黃碎,但如果再碎D
食個陣掛到意粉一齊食會更突出
而家佢係粒碎,基本上唔會掛到意粉上面
係取佢香味咸味,蟹肉就掛到意粉一齊食
咸香蟹味濃既一道意粉,只係略為乾身左少少
整體上食物水準唔錯,可以一試
另外仲有好多優惠,例如10蚊一隻生蠔
有興趣可以試試
中上環美食攻略 半價 人均 $130 下午茶架 優惠！Fast Gourmet AFRERNOON TEA SET 流心牛角包 慢煮焦糖燉蛋 黃藍 享慢煮意 all day breakfast
上環中環美食攻略
半價下午茶優惠,即刻同你介紹~
有四款咸點四款甜品
另包飲品2杯,可選茶或咖啡或果汁
另可加錢選特飲
仲可以追加試埋佢既招牌流心牛角包
(龍蝦湯,抹茶朱古力,海鹽咖啡)
分三層,頂層放了一客煎黑松露珍寶帶子
煎得香口,加上松露醬味道更香
中層係西班牙黑毛豬腩,蟹肉牛油果三文治
慢煮雞沙律卷 咸點就四款,份量剛好
下午茶架限量供應,最好先問定餐廳
甜品四款
招牌真空慢煮焦糖燉蛋
白松露芝士蛋糕,鮮草莓酥餅
焦糖爆谷咖啡
先由白松露芝士蛋糕食起,味最輕
一口份量,淡淡白松露香味,不太甜
再食草莓酥餅,酥條上放滿朱古力醬
最後加上草莓藍莓果粒,味道清新
第三次序品嚐 燉蛋
脆脆既焦糖加上香滑既燉蛋
口感軟滑,加上焦糖微苦既糖蜜,味道豐富
最後食帶微苦既濃郁咖啡焦糖爆谷
有咸有甜有苦,層次豐富,平平地百幾蚊一位
同朋友小聚亦唔錯既選擇
中環善慶街9號地舖
G/F, 9 Shin Hing Street, Central
九份飽,係一間價位平民既台式小吃店
牛肉麵,滷味,小吃,台灣茶飲,款式唔多
但水準尚可,所以開左一段時間都好多人排隊
最勁最出名係佢既裝飾,整到成間都係打卡風格
所以老中青都比佢吸引曬,仲好識選址
九龍灣淘大一帶都無台灣菜,佢獨市,由2020年10月底開幕到而家都係日日排長龍,唔到你唔信
我今次就襯解禁晚市堂食人數約朋友試下啦
先上台灣茶飲,跟餐10蚊優惠價,本身超甜,建議選半糖岩岩好,唔飲甜最微糖比較好
牛肉麵,牛展片有5片,薄切,滷得入味,口感帶爽
肉質有彈性,用油麵做麵底,油麵無咁易吸到發脹,可以慢慢食,加上紅蘿蔔,酸菜碎,本身唔辣
先喝一口湯,再拌勻酸菜同加少少辣油
咁就似樣夠曬似樣,紅燒牛肉麵點可以唔辣
$50有找,呢個水準算係咁啦
小吃,肉鬆芝士蛋餅
蛋皮薄,芝士唔多,夾時要小心,好易散
但味道唔錯,可能太耐無食台灣野
另外叫左個酥炸魷魚,灑左鹽酥椒鹽粉
炸得香口,夠惹味
最後仲有一碗香酥雞扒滷肉飯
肉碎係切粒,唔係用肉碎,食落味道幾好
汁太多,食到尾D飯會太濕,口感唔好
但調味係唔錯既,雞扒切件上,無骨雞扒
滷蛋半隻好入味
整體上平均一位100有找,抵食,免加一
九龍灣牛頭角道77號
淘大商場一期地下G142號舖
Shop G142, G/F, Phase 1, Amoy Plaza, 77 Ngau Tau Kok Road, Kowloon Bay
