《只是太愛你》
♂：早晨
♂：對唔住�
♂：我唔應該不辭而別
♂：唔知你仲會唔會睇我既msg
♂：我都估唔到你會為我喊，我以為我係無能力去傷害你，但原來你已經交左個心比我，我竟然一刀刺落去
♂：睇返我講既野，我真係唔知邊度有膽去咁做，我憑乜去咁做，但偏偏我就做左
♂：可能我覺得咁做，會令你記得我，我唔可以令你愛我，都可以令你憎我恨我怪我
♂：我好幼稚，我知，所以我係抵死
♂：你唔回我，我都理解，但至少我想同你講返我心入面真實既諗法
♂：我無後悔無食你，因為我好想同你認認真真開始，我知道你迴避我，想試我，但我心入面有把聲同我講，不如放棄啦，縮左扮瀟灑比起不奮一切而死好似舒服少少
♂：但我真係好幼稚，原本都仲有一線希望，但我將呢個希望親手破壞
♂：晚安
♀：講完喇？我仲諗緊你要講幾多野去補償我，你知唔知我有幾多年無喊過，一路睇你打字，我一路都想應，但我想睇晒你打乜先再講
♂：我仲有好多野想講……
♂：岑雪兒，我愛你
♂：我飲左好多酒……我真係好掛住你，我幾乎每分每秒都諗住你……
♂：以前我對於不安，就只會迴避，對家人又好，對人生都好，我都寧願放棄都唔想令自己有機會不安
♂：我唔知上一世做過咩好事可以遇見你，又或者你做過好多壞事所以遇到我，但我唔知我既好運幾時會完，唔知你既衰運幾時會還清
♂：呢一世我都會欠你一次流淚，我會為呢樣野而後悔一世
♂：我無後悔過無食你，但我真係好後悔令你喊，甚至我連令你唔開心都接受唔到
♂：終於明你當時點解會問我，要一世做朋友定係做一段時間既情人，因為做朋友我地可以無負擔，但做情人我地注定難行，當熱情用完我地就好難再行落去
♂：我好憎自己，憎自己唔係好似我阿哥咁，機會係留比有準備既人，而我一直都係打天才波，到面對機會時先發現自己做錯既事太多
♀：咁你依家係唔係想做返朋友？
♂：我唔想，我從來都唔敢講一生一世呢四個字，太唔現實，太多未知，但呢四個字不斷出現係我腦海入面，如果可以就好喇
♀：你唔想，但依家唔到你揀，因為你尋日既智障決定，我決定將你貶為朋友，以後你唔會再享有任何情人既待遇
♂：係咪永久做朋友？
♀：點知你，呢樣野係你決定
♂：我想唔做朋友就唔駛做？
♀：你連朋友都唔想做既，你可以即時決定，但如果你想唔單止朋友的話，就睇你表現
♂：我會努力
♀：唔好話我無講明先，我收返我個心，唔會比你再傷害我，要怪就怪你自己低能！
♂：我認同接受你呢個決定，甚至仲覺得你好大量
♀：哈，本小姐對你都算係咁，我唔想衰比我家姐睇，我要話佢知我揀男人既眼光比佢好得多
♂：我地仲係結盟狀態？
♀：暫時都仲係，你點去補償我？我仲未嬲完傷心完！
♂：【音訊】
♀：飲醉就唔好唱歌啦！我警告你唔好再飲，好好休息，唔係聽日你宿醉講錯野就判你死刑
♂：知道，我唔會再飲！你話乜就乜！聽日我再好好補償你！
♀：晚安
♂：晚安，對唔住
♀：認錯要身體力行去做，唔好得個講字！
♂：知道，我會做到你滿意為止
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
作者的話，要重睇既就好重睇了
Patreon訂閱讀者可看到隱藏訊息
