【抱B用錯力或常用滑鼠易患「媽媽手」中醫教3個動作放鬆止痛】
家中有小寶寶降臨，全家上下歡天喜地。為咗好好照顧寶寶，好多媽媽都出盡心力，不過為咗給寶寶無微不至嘅照顧，有時會過分勞累和用錯力，結果患上「媽媽手」，近手腕嘅大拇指側無法出力或者持續疼痛。「媽媽手」唔係媽媽獨有，經常用滑鼠嘅上班族、攝影師、侍應，甚至經常單手滑手提電話嘅人都有可能患上。有中醫師表示，除咗透過推拿與針灸、放鬆肌肉群外，媽媽日常可做3個動作，都有放鬆止痛效用。
媽媽用力不當
「媽媽手」嘅得名，因為呢個病症常見於媽媽。由於婦女在做家務或照料小朋友例如扭毛巾、洗衫、抱BB等，不正確用力，手腕過度彎曲、大拇指過度外展，於是產生發炎反應。「媽媽手」在醫學上名稱係狹窄性肌腱滑膜炎，另稱狄魁文氏症，所指係大姆指近手腕嘅肌腱位置腫脹，壓迫到伸姆短肌及外展姆長肌嘅肌腱和滑膜，使通道變狹窄、肌腱和滑膜發炎腫脹，手腕姆指側出現疼痛，嚴重時會造成肌腱沾黏，大拇指及手腕的活動受到限制。
多做伸展和按摩鬆肌肉
中醫師話，除咗透過推拿與針灸放鬆肌肉群外，平時按摩曲池、尺澤、陽溪和列缺穴，都有放鬆止痛功效。另外，「媽媽手」患者日常可多做3個動作，伸展放鬆一下。
1 宣誓3指
伸岀指，然後慢慢將大拇指朝小指方向移動，並壓於小指，手勢類似紀律團隊宣誓時嘅手勢。呢個動作維持6秒，每日做10次。
2 握拳下擺
做出握拳手勢，但拇指由四指包覆，然後將手腕向小拇指方向下壓，維持動作約6秒，每天做10次。
3 反掌上抬
伸掌，掌心向外，另一隻手輕握著手掌前指位置，並輕微用力把掌手向上扳。維持動作約15至30秒，重覆做3次。
=====================⠀⠀⠀⠀
【每日送上優質生活Tips】http://www.likemagazine.com.hk/
【Follow IG】http://instagr.am/likemagazinehk
媽媽手中醫 在 同仁堂中醫醫療體系- 媽媽手De Quervain Disease... | Facebook 的推薦與評價
拇指狹窄性腱鞘炎(Thumb stenosing tenosynovitis) ，或橈骨莖突狹窄性腱鞘炎因拇指過度使用而發炎，是一種慢性的肌腱炎好發於常抱新生兒的媽媽，故又稱「媽媽手」 ... <看更多>