📍J.S. FOODIES (九龍塘)
九龍塘達之路80號又一城LG2樓30號舖i.t blue block
=====================================
終於試到人氣pancake啦😍😍而家係J.S. foodies都可以食到Flippers既梳乎厘班戟🤩本身見到話pancake製作需時25分鐘，所以我地就一次過主菜同甜品都點晒，諗住意粉食得黎pancake應該都差唔多，點知落完order 10分鐘pancake就黎😂
.
🥞士多啤梨藍莓香蕉班戟 $119 (4.5/5)
一碟有三大件疏乎厘班戟咁多！💕就咁睇質感算係厚身挺實，切開後食落口感鬆軟，內裡仍能保持濕潤，而且好有蛋香味😋每一啖都要連埋cream同埋啲生果食先好味！唔會太甜又唔會太漏，所有嘅份量配搭都啱啱好👍🏻重點係食完你唔會覺得好似食咗陣風咁空虛，但又唔會好飽，感覺好滿足☺️☺️
.
🍝番茄海鮮意粉 $188 (4.5/5)
本身想食明太子醬海膽意粉，點知賣晒😭所以就揀左番茄海鮮意粉。蕃茄汁微酸，加埋有勁多蕃茄粒🍅🍅🍅好開胃！不過個人覺得蕃茄粒份量可以減返少少。海鮮就有一隻大蝦、兩粒帶子同三隻青口，新鮮食落冇沙👍🏻煎得都好香😊意粉則係幼身嘅天使麵，口感軟硬適中，而且掛汁力都唔錯！下次睇嚟要早啲去先食到明太子醬海膽意粉😆😆
.
🍵Green tea Latte $36 (4/5)
☕️Vanilla Latte $36 (4/5)
兩杯咖啡既拉花都唔錯☺️個人一向鍾情green tea latte，綠茶味夠香濃~😊
另外個杯vanilla latte，雲呢拿味甜得黎唔會蓋左咖啡嘅味道👍🏻
.
👏🏻整體呢一餐超滿足，兩個人去食份量啱啱好！而且餐廳環境闊落光猛，都算舒服~食物水準又高，值得再去😎
