塚田農場係日本連鎖居酒屋，大約有150間分店，本店喺九州宮崎縣。香港分店係直營，管理上好過唔少買個名返黎嘅過江龍。呢間餐廳最出名係食材，喺日本有自己嘅養雞場，其實餐廳會投資農場、牧場、飼養場係好常見。就好似科技公司都會投資下線工廠，自己研發同生產電子零件，確保供貨同入貨價格穩定。但每次我講拉麵店應該自己做拉麵而唔係叫貨，就會有無知hater講晒粗口xx我，留言話咁要唔要自己養牛養豬~~其實真係唔少餐廳養牛養豬架，而且做拉麵係烹飪嘅一部份，都唔係種植或飼養，但次次同佢地講真係好攰......
呢度大部食材都好有來頭，例如大分汐姬蕃茄、佐土原茄子、宮崎彩虹椒、種子島安納芋、黑薩摩雞等等。餐牌整得好靚，資料充足，簡介部份有特色嘅食材，開飯前當雜誌咁睇下都幾有娛樂性。
韓式壽喜燒鍋（和牛）$580，以雞湯為基底，裡面嘅大分蕃茄真係甜到爆，蔬菜肉類吸收左湯汁，份外鮮甜。肉味噌燒茄子$88、帆立貝玉子壽司卷$78、吞拿魚長芋美人卷$56就正常野。梳乎厘玉子燒蟹肉$98，淡而無味、好油、好硬實，一啲都唔「梳乎厘」。餐廳唔提供免費飲用水，焗叫野飲，以呢個格局嘅香港餐廳黎講比較少見。我點左Berries Squash $68、Fresh Tang Kang Soda $78。
黎緊我會將部份圖文食評放IG，希望大家follow埋，支持一下。Youtube、Facebook、IG 會規劃唔同嘅內容，等大家多啲野睇，接收多啲飲食資訊！嗱，而家係一張相都冇架！😂
👇👇👇👇👇👇👇👇
https://www.instagram.com/imalfredchan/
塚田農場
地址：尖沙咀廣東道3-27號海港城海運大廈2樓OTE 202號舖
電話：24670777
梳乎厘餐廳 在 最出名嘅係沖繩芒果梳乎厘班戟 - Facebook 的推薦與評價
餐廳 嘅食材都係由名古屋直送來港，還原日本味道！餐廳最出名嘅係沖繩芒果梳乎厘班戟，芒果由沖繩直送，配上甜而不膩嘅鮮忌廉，簡直完美！除此之外，佢地嘅夏威夷果仁忌 ... ... <看更多>