啱啱收到觀眾通知，一位從事香港及翻譯研究嘅澳洲作者，以有碗話碗影片寫咗一篇好詳細嘅文章，從Learning Cantonese嘅角度，分析我喺片中嘅文稿同廣東話發音。好多謝作者Simon，選擇左以呢條片作為研究素材。
一開始，我係抱住Learning English嘅角度去讀呢篇文章，鑊氣嘅英文係乜我真係識條鐵！但睇咗一陣，我開始以第三者嘅心態，去思考點解條片當時用某一個字、某一個詞。我由細到大中文都唔叻，最記得中學上中文堂成日瞓覺，落堂就畀miss捉出去走廊照肺。但「天意弄人」，我讀完書第一份工，竟然係同中文有少少關係！焗住成日查字典，學正音。近年拍有碗話碗，我都用好多時間去寫稿，做得YouTuber，多少都要負上一啲傳媒責任，除左資料，行文用字、讀音都應該要花多啲心機。（雖然有時都會寫別字或讀錯音，Sorry！🥲）
睇返呢條2019年嘅片，發現我個別用字嘅讀音唔同咗。其實一開始拍YouTube，我係刻意唔會全部讀音跟足主流電子傳媒嘅正音，即係我明知正音係讀A，但我會跟通俗讀音讀B。一黎因為拍Vlog唔係報新聞，唔想講野太正經有距離感。二黎部份所謂正音，其實有矯枉過正，甚至係「錯當啱」嘅情況。但後黎發現好多觀眾對正音嘅接受程度好高，而且不時收到外國觀眾留言，話會睇我啲片學廣東話。所以拍下拍下，就開始選擇讀多啲正音。最最重要，係今時今日，保育廣東話，你我有責。無論你想Learning Cantonese，定係想Learning English，呢篇文章都值得一看。
澳洲發音字典 在 Leeds Mayi 里茲螞蟻雅思文法英式發音's post 的推薦與評價
英國腔 #澳洲腔 #美國腔 這是Lucy兩個月前拍的英澳美差異影片系列的第二隻， 事隔了兩個月終於發行了❤ 如果你上過我的IPA課程，這影片是一個非常好的複習 ... <看更多>