真.男人的浪漫
今次介紹嘅唔係什麼隱世必去景點，而係值得欣賞嘅一份男人的浪漫。作為過氣毒L，做仔嘅時候同好多香港男仔一樣，好鍾意砌模型。唔知大家係咩年齡界別，好隱約記得細個嘅時候（應該係八十年代），好似海運同油麻地都有模型舖嘅櫥窗，除咗展示精細到喊嘅軍事模型之外，仲有到今日都仲記得好靚嘅火車模型，圍住個微縮山頭行，依家剩係記得當年望到雙眼發光唔捨得走。
慢慢到大過咗，開始自己砌模型，但總係多多限制，高達或者軍事模型就比屋企人話啲油漆臭， 遙控車就話嘈，仲要比保安趕，好似做賊咁。火車就更加諗都咪諗，自己都係得嗰「三剩六」，邊度有地方安置個山同路軌？慢慢就放棄咗砌模型呢個興趣。
幾十歲做人老豆去到英國，幾年間去過同個女唔少嘅地方，耐唔耐總會响某啲大啲嘅公園見到啲載人兜個圈嘅小型火車，但多數都唔好彩都無開檔，所以無為意。直到上兩個星期，港媽話book咗個坐火車嘅地方，我初時以為係類似Fun Fair嘅東西。
去到嘅時候發現係响Guildford Stoke Park裡面模型工程會（Guildford Model Engineer Society）長期會址舉行嘅開放日。呢個會係由蒸汽火車、輪船、機械模型嘅愛好者成立，响1958年地方政府批响公園裡面劃咗一忽地比佢地「玩火車」，除咗相對小型嘅火車模型山景路軌之外，班模型愛好者仲响裡面起咗兩條坐得人嘅蒸汽火車路軌同小型火車站。
唔係日日公開比公眾入場，每個月大概只係開一兩日。一方面可以收下「火車費」幫補下會務，亦可以比班模型愛好者同公眾分享下自己嘅傑作。呢啲咪男人的浪漫囉....
#地方限制咗興趣
**************************************
📢乞食廣告：文字、時間與心血有價
🥣乞兒兜：
https://www.patreon.com/goodbyehkhellouk
最近更新：
英國政府回購核電廠股份，還有其他原因？
https://bit.ly/3uou0ta
「贏」比所謂嘅團結比圍爐重要，工黨內戰始末
https://bit.ly/3ASY5n5
德國與英國選舉制度的分別
https://bit.ly/3zQ1Loi
*************************************
火車模型 在 Xn鐵道模型俱樂部 - Facebook 的推薦與評價
Society』(原台南火車站)等都是因鐵道模型這個興趣而形成的同好組織。 因為地狹人稠，台灣的鐵道模型俱樂部不像歐美甚至日本的俱樂部可以租下一個固定的地點，製作規模 ... ... <看更多>