［挑戰者］NVIDIA 自己推CPU，Intel AMD 即散。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝
TLDR：工程師又未必識金融，金融撚又未必識科技。當然why not both最好，但以前大行就興請金融撚然後學科技，而家就掉轉。Cathie Wood都係咁玩
1. 其實諗咗好耐寫唔寫，最初係眼訓，後來就因為「唔識」，費事啦。熟我嘅都知我係電腦盲，軟件硬件都係（但相對之下好似軟件冇咁盲，話晒Degree 同 Master都要讀），雖然話學霸，但STEM都有好多種啦，我是數人嘛，而數人唔等於識電腦架嘛！即係你叫IT幫你整微波爐咩
2. 但後來諗下，「真係冇乜關係」，「反正之前寫嗰啲都唔係識」，「更多人更垃圾都指點江山啦」。再諗下，扯，股票之嘛，我買海底撈又要知道佢湯底點整咩，我2019年尾叫你買ASML咩，鳩知乜嘢「光刻機」咩。亦都認真，我要去學，都好快學到成個產業鏈，反正呢啲以前係我工作，原本睇銀行股，但工業股 互聯網股 消費品股 地產股 我都寫過，「但半導體真係唔識」。係架，我睇下就會識，但反正呢度大把專家，我好似賭神高進拎住本「速成自衞術」咁，見到龍五在火車出手，都可以掉走本書啦。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
3. 前戲做得太多了。直入。呢三隻股中，我只曾講過隻NVIDIA（仲有我舊老細嘛，陣間會講），亦係之前一路有推嘅股（睇我Patreon咪知）。股價係星期一晚，你見NVIDIA大升，AMD同Intel大跌。而星期二晚兩外兩隻變動不大，NVIDIA直頭破頂。絶無cherry pick，另外兩隻冇推過的
4. 做乜升咁多？「股票唔會話你知點解升」，但除咗因為講咗第一季收入很勁外,相信更大原因因為話會推自己嘅CPU，直接同Intel AMD 競爭了。咁邊隻得邊隻唔得？我就唔知啦。市場反應就明顯J NVIDIA
5. 但，「咁我都有用電腦嘅」（你以為我啲文磨墨寫的？），咁中學大學年代都係聽啲同學講（可能佢地冇咁講，是但），Intel先係王道嘛，AMD唔掂的，咁咯。冇啦。
6. 之但係，再早排就有出過Post，舊年Intel係極唔掂的，當然係講股價。年頭70蚊年尾50蚊，相反AMD差不多升咗一個開。NVIDIA亦都係。咁專家（真專家）朋友就話我知，Intel而家唔掂架啦，等死。
7. 之之又但係，去到今年又完全唔同喎，特別係Intel年頭炒咗個CEO後，股價今年至今升30%（插之前剛剛先52星期新高），AMD反而要跌15%（NVIDIA就升兩成，兩年夾埋贏晒，新高了，嘻）
8. 咁呀朋友梗係專家啦，問題係想講一樣嘢：公司股價，同專業行內人睇啲嘢得唔得，就往往係兩回事嘛。極端啲嘅，李嘉誠啲鑽石廳呀，豐澤呀，百佳賣油魚呀，鬧咗咁多年，長實長和咪一樣長升長有。你產品好同帶到最多生意有時又兩回事，有收入同有錢賺又兩回事，有錢賺同股價又係另一回事嘛，冇咁簡單嘅。
9. 之但係又不過咁，的確好多「大行分析員」，係唔熟個行業嘅。而家會好啲，一來Tech股當道，咁你總不能搵條好似我咁嘅茂利去cover AMD．二來真係文化唔同咗
10. 講返我當年，特別係pre 雷曼嘅美好年代，蔡東豪都有寫過，佢發現啲分析員好多都好後生，難聽啲講句就係「到底有冇做過第行？」。而十居其九都係冇—嗰啲友好多一畢業就入大行，然後可能睇Airline—但唯一經驗就係坐過飛機（同埋打過），可能睇銀行—唯一經驗就係開過戶口
11. 而本人都好歹做咗兩年銀行先睇銀行股，仲要讀精算出身就睇埋保險股—雖然我話你知係冇用的，但即係等於叫個IT同事整微波爐咁，喂，你讀精算嘛，識睇保險股架啦。梗識，睇之嘛。
12. 當時嘅文化的確好多名校（我講外國嗰啲，唔係港大（＊）之類嘅雞校）畢業嘅頂級學生，咪一畢業去投行做咯。吹得有家底靚仔靚女嘅咪做ibanker（並不是所有投行做嘅人都叫做ibanker，否則我都話自己係ibanker），唔吹得唔靚仔但捱得嘅學霸咪做分析員，所以嗰時好多時係有啲小朋友去指點江山，教返啲做咗半世紀零售嘅上市公司老嘢，「拿你應該點點點」，十分有喜感。
13. 不過，再早少少，即係蔡東豪或佢之前嘅年代，又唔係咁的。咩年代？你當大約係咩華保（唔係Burger King，係Warburg，UBS瑞銀啲朋友），獲多利（Wardley，匯控啲朋友）（＊＊），吳玉欽（GK Goh，CIMB啲朋友，四十歲以下唔會識）唯高達（唔使講啦下話），總之就係Merchants bank嘅年代，英女皇御用經紀Cazenove嘅年代
14. 嗰個年代啲分析員呢，就全部係有個「本行」出身，例如你可能做咗十幾廿年airline，做到都咁上下大粒，睇過唔同嘅Division，四十歲先轉行去投行做分析員。聽落幾合理，好過班小朋友紙上談兵。
15. 後來嘅事可能有人聽過，倫敦Big Bang嘛（唔係Big Ben），新自由主義，戴卓爾列根Milton Friedman 一大班市撚，再加埋中國改革開放，全球極速「金融化」，股市極旺，咁就問題嚟啦，邊得嚟咁多人？你做airline嘅唔係個個識做金融嘛，咪唯有搵啲童工幼齒
16. 情況同我當初變咗銀行股分析員都有啲似，嗰時食正 五行三保嚟香港上市，當年又未咁多NDS，大行固然都仲搵到人，但唔大嘅行（請我嗰間）咪求其搵件做過中資銀行識行識走嘅港仔算。
17. 之但係，十年河東十年河西啦，金融化就冇改變到，但分析員呢味嘢都又有啲生態變化—最重要係真係搵到錢，自然就有人請啲「行業專才」，物極必反，而家好多行請親睇醫藥股化工股嘅，全部都PhD。
18. 當然更重要嘅，Tech股當旺嘛。以前搵啲金融出身嘅小朋友學Tech，而家掉轉了：既然我可以教個金融撚睇Tech，為何我唔去教個Tech撚做金融呢？冇錯，又返返去幾廿年前嘅玩法。
19. 邊個將呢樣嘢發揚光大？正係 Cathie Wood．佢就係覺得傳統啲金融撚睇科技股唔掂，佢寧願請啲工程師科學家然後教佢地金融 — 最好玩嘅係，點解佢會咁諗：因為佢自己咪就係呢個系統出身咯。好多人覺得「科技女股神」反建制，實情佢咪就係嗰個制度下走出嚟，Cathie Wood自己咪就係名校讀Econ Finance一級榮譽，然後去大行做分析員出身咯！所以佢咪知道個生態係點！
20. 其實類似嘅玩法仲有惡名昭彰嘅LTCM，當年爆煲都大新聞，可能係第一代嘅黑天鵝，四十歲以上會識，但同後來雷曼比當然爭好遠。無論如何「天才殞落」（When Genius Failed）都係一本好書。LTCM固然係講一班數學家（包括諾貝爾獎得主Myron Scholes，正係Black Scholes嗰條友），點樣戰無不勝直到出事，但主角創辦人係John Meriwether — 佢先係發現華爾街班友不學無術，只係飲酒叫雞睇美式足球，與其教呢班友數學，我不如教班數學家做金融，
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
21. 寫得太長，「都未得閒寫埋我舊老細」，下次再講，咪又係嗰個NVIDIA嘅故事。你老人家冇聽過唔緊要，「但既然你冇聽過就唔好教我睇股票啦」。得罪講句，「你供過股未？」「買過升十倍嘅股票未？」「買過畀人私有化嘅股票未？」「去過股東會未？」。全部都未都冇問題，李嘉誠唔使識落石屎—但你唔好去管人點落嘛。講下點解我忍無可忍走人，半裸辭，多人讚我就寫。
22. BTW，都未得閒寫（有人以為我好得閒的？）。但，Microsoft 就快20000萬億市值了，可能今晚就到。人類史上第二間。當然另一花生係CoinBase上市。提提你，Nasdaq嗰個250蚊嘅「參考價」，近乎係廢，零作用咁滯。因為隻嘢根本冇集資冇招股，一二三就trade—咁股從何來？你話呢？
（＊）慎防有人又唔高興，本人正係讀港大的。
（＊＊）講起呢個Wardley真係講埋，以前有Wardley Street 獲多利街。即係而家銀行街Bank Street。而呢條街你見有人話曾經誤譯做「獲利道」—邊度誤譯？我相當肯定係當年嘅老翻大富翁
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝
自衞術 在 「前臂擋格」自美引入糅合詠春精粹葉問絕學變警察自衞術 的推薦與評價
香港警隊武術顧問王小貓於553期突然使出詠春吋勁原來是十分正常的?XD
轉貼自今天的香港水果報
ttp://hk.apple.nextmedia.com/template/apple/art_main.php?iss_id=20110214&
sec_id=4104&subsec_id=12731&art_id=14970853
【本報訊】 05年警員朱振國截查疑人時遇襲重傷全身癱瘓，去年法官包致金姪女 Amina
掌摑警員，近月又接連發生懷疑醉酒者襲警案。警隊為提高前線人員執勤時的安全，去年
引入一套糅合詠春中國傳統武術、名為「前臂擋格」的全新自衞術訓練，讓警員自我保護
、制服施襲者。詠春宗師葉問的絕學，日後將會協助前線警員執勤。
記者：謝明明
去年有 462宗襲警案，較前年 448宗增加 3.1%，平均每日超過一宗，涉案者主要是醉酒
、情緒失控、雙方衝突或故意挑釁等。新任警務處處長曾偉雄早前表示關注襲警案增加。
香港警察學院槍械訓練科總督察伍啟光接受專訪時表示，警隊一直有向警員提供俗稱
「戰術三寶」的防衞性戰術訓練，「即擺脫對方糾纏、與對方保持距離，同有需要時使用
高一級武力嘅心理準備」。
07年警方檢討後發現警員遇襲時未必能即時做出反應抗敵，於是決定改善防衞性戰術訓練
，由美國引入名為「前臂擋格」的自衞術。
伍啟光指出，「前臂擋格」自衞術主要由人的自我保護本能反應演變出來，用以應付突如
其來的襲擊，「遇襲時，可即時有條件反應化解危險，並可配合遇抗控制，擺脫對方糾纏
，保持安全距離，然後以高一級武力制服對方」。
伍啟光解釋，這套自衞術的另一優點是容易學習及記憶，「由於係由自我保護動作轉變而
成，容易學習同記住，就算學過一次都會記得」。
但伍啟光以保障警員安全為由，拒絕進一步披露這套自衞術的詳情。據了解，這套自衞術
糅合詠春等中國傳統武術元素。
警察學院槍械訓練科警司陳永亮表示，現時警隊會為所有新入職的警務人員提供武力使用
訓練，包括戰術訓練及槍械訓練，「佢哋必須先學習各級武力使用層次，由口頭警告、徒
手控制、胡椒噴霧、警棍以至槍械，最重要係因應情況而決定使用邊種級數嘅武力」。新
入職警員及見習督察需分別接受 94小時及 98小時武力使用訓練。
向內地公安傳授戰術
現職警務人員除飛虎隊、機動部隊及衝鋒隊等特殊部隊，其他人員每年會獲安排三次射擊
訓練，以及每兩至三年為期兩日的戰術訓練，「等佢哋溫故知新」。
此外，內地公安邀請本港警方派員教授流動戰術訓練，至今本港警方流動戰術訓練團已先
後探訪內地 13個省市，向近千名公安教官提供為期六星期訓練，包括流動戰術訓練的設計
概念、指導技巧等。
陳永亮稱，自本港流動戰術團教授內地公安後，內地公安執勤時因暴力案件而殉職的人數
減少。
--
※ 發信站: 批踢踢實業坊(ptt.cc)
◆ From: 112.119.195.156
... <看更多>