昨晚出席親友的囍宴，為咗柯豬兩姐妹的肚子著想，阿媽事前用一個下午的時間準備了豐富的便當！
#是日B餐 「豉油蜜糖雞槌，焗蕃薯條，海苔芝麻飯糰，蕃茄茄子肉醬(沒拍照) ，牛油果曲奇餅｣
雖然話兩姐妹都大啦，跟大圍一齊食都無咩所謂，但囍宴開席往往都要9點或者更晚，所以點都係自備糧食最妥當，所以當全世界人都睇住一對新人証婚時，柯豬和些莉妹已經埋頭食緊晚餐喇~~! 今餐兩個女都好俾面，妹妹食咗一舊飯糰+白飯撈肉醬，家姐KO雞槌兩隻，蕃薯條同曲奇餅兩個女都食咗唔少，不枉我花咁多時間心機整嘢食，好滿足！
又係briefly講下點煮嘅時間。。。😚
▷「焗蕃薯條」其實好簡易，去皮切粗條，加啲植物油撈一撈，入焗爐以180°C焗熟 + 表面金黃焦香，我無計時，只是每10分鐘左右開焗爐門check下，total用咗20~25分鐘咁上下。
▷「豉油蜜糖雞槌」這個食譜用調味比較重手，因為顧及便當凍咗食物味道會變淡，所以豉油和蜜糖用量都算多。如果你唔駛凍食，可以自行減量。
雞槌6隻用3茶匙醬油(生抽)+少量胡椒粉+2湯匙蜜糖+少量水醃15分鐘，用焗爐焗熟(180°c) ，10分鐘後拎出嚟翻一翻，再焗多10分鐘，用叉/筷子督得穿最厚肉嘅部分就等如熟透了。
▷「蕃茄茄子肉醬」
(3人份) 3個番茄，¼條茄子，拳頭咁大size嘅牛肉 ; 蕃茄及茄子切細粒 ; 牛肉剁碎，再用糖、胡椒粉、植物油和水醃一醃。
Preheat平底鍋，落油，爆一爆茄子，表面有焦香就可以了，加入蕃茄粒煮至軟爛，再倒入剁碎的牛肉，炒到出香味。加清水至能夠完全覆蓋材料，滾起後轉細火+冚蓋慢慢煮30分鐘，期間不時攪拌。
依個肉醬好適合配飯和意粉，又或者同薯蓉一齊食！
▷「牛油果曲奇餅」
50g 無鹽牛油，100g牛油果蓉，200g低筋麵粉，20g糖
揀已經熟透的牛油果，果實外皮轉深色+㩒落去軟身就啱晒！牛油果起肉，用匙羹壓過篩子就會變成牛油果蓉。
無鹽牛油由雪櫃取出後切粒，倒進盛載麵粉嘅大碗內，連同牛油果蓉和糖，用匙羹/矽膠刮刀大致混合，轉用雙手手指將所有材料揉合成麵糰，包好保鮮紙，放冰箱20分鐘。
麵糰略為雪硬身後，在工作枱上灑麵粉，放上麵糰，用粘了麵粉的擀麵棍碌成0.5cm咁上下厚，再用粘了麵粉的cookie cutter切出曲奇餅，放上焗盤上(要鋪焗盤紙) 。
焗爐預熱170°c(上下火) , 放入曲奇餅焗約12~15分鐘，之後轉200°c上火)再焗約3~5分鐘上色。
#柯豬姐與些莉妹 #愛心便當 #兩層便當盒好靚好鐘意呀
蜜糖雞槌 在 1.無激素雞鎚12隻2.生抽3湯匙3.糖1茶匙4.黑椒碎1 ... - Facebook 的推薦與評價
《新手菜式》 超簡易滋味蜜糖雞鎚 大人小朋友都鍾意食 ❤️ 材料: 1.無激素雞鎚12隻 2.生抽3湯匙 3.糖1茶匙 4.黑椒碎1茶匙 5.米酒2茶匙 6.老抽1茶匙 ... <看更多>