或說我年初二經屋苑訂咗個盆菜，點知瀨咗嘢食到皮膚敏感🥲 另一間店主可能覺得我好慘話送一個盆菜比我😂陳沛我一直都幫襯買海膽買海鮮但我唔知佢有盆菜🤣
出面坊間嘅盆菜都係$888-$1288，但實際嘅料係二三百，白切雞、燒肉、豬皮、魚蛋、蘿蔔、髮菜、瑤柱都係普通嘢，成個盆菜一個味仲要食完好口渴。
呢個6人份嘅盆菜好大堆頭，仲要樣樣都係靚料，絕對對得住個價錢，平時嘅盆菜最怕食蝦因為翻煮好易會霉，呢個唔會，啖啖肉之餘仲要彈牙爽口，頭抽煎嘅澳洲U6虎蝦好入味。最估唔到嘅係個牛腩，好好食呀，睇返個菜單先知係安格斯牛仔腩，痴線好揼本呀🤣出面啋你都傻點會用安格斯比你呀，炆到入哂味又鬆化但唔會散亦唔痴牙，呢個真係大讚。鮮鮑魚絕對唔係白烚，炆到入哂味入哂色，有誠意嘅鮑魚。我家姐姐夫食丸類好鬼奄尖，買到難食會話我架🌚今次佢都話勁好食，我又試下，一試就知係正宗潮汕牛丸，牛味濃、彈牙、有肉汁，食過潮汕牛丸真係好難返轉頭。蝦丸都係誠意之作，並唔係坊間加工嘢擺入去。一滾起個盆菜家姐已經金睛火眼望實幾隻蠔豉，因為阿爺阿嫲係水上人，阿爸細個都係住艇，我地由細到大都食海產食到大，個蠔豉堅係靚貨👍🏻我地真係會爭蠔豉食😂靚蠔豉難買，呢個真係有以前阿嫲整嘅味道，仲要大大隻。值得一提係個湯底，無用傳統盆菜嘅南乳汁，反而用咗肉骨茶，但味道好夾，食到最後都無口渴，我仲洗咗幾棵自家種嘅生菜煮嚟食😂
整個盆菜絕對值90分以上，對得起個價錢，無嘢挑剔到，個盆係搪瓷可以重用，唯一就係比較淺，滾起易瀉，皆因料實在太多🤣🤣如果嚟緊大家想食盆菜但未諗到誠意推介呢款，我唔係因為店家請我食而講，而係高質先介紹比大家😋呢間食過唔會返轉頭😏 陳沛海鮮，專營生猛游水海鮮，江蘇大閘蟹
屋企人一致通過呢個盆菜高分勝出，好食過過往嘅盆菜😂
多謝你請我食盆菜呀🙈🙈無諗過你無啦啦請我食😂你仲叫我千萬唔好買餸個盆菜好大盆，但我見海膽有特價仲走去買2板😂😂😂大鑊喇，點吞呀
🍊🍊尚品御節盆菜 💲2️⃣9️⃣8️⃣8️⃣ (6位用)
（含肉骨茶成份湯汁）
1）時令龍蝦 (2隻)
2）大孖頭抽煎澳洲U6虎蝦 (6隻)
3）鮑汁金龍肚花膠 (6件)
4）流浮山金蠔皇(6件)
5）鮑汁日本花菇 (6粒)
6）鮑汁波蘭鵝掌 (6隻)
7）六頭頂湯南非鮮鮑魚 (6隻)
8）慢煮北海道刺身級帶子 (6粒)
9）正宗潮汕牛丸 (6粒)
10）一級手打蝦丸(6粒)
11）陳年滷水BB乳鴿 (2隻)
12）秘製安格斯牛仔腩 (6件)
13）肉骨茶風味-比利時杜魯克St.Louis橄欖豬肋骨 (6支)
14）日本旺菜
15）日本蕃薯
16）日本大根
#新春盆菜
#盆菜
#陳沛海鮮
#雖然係送比我食但我誠實試
陳沛海鮮 在 陳沛海鮮，專營生猛游水海鮮，江蘇大閘蟹 的推薦與評價
陳沛海鮮 ，專營生猛游水海鮮，江蘇大閘蟹, Hong Kong. 15296 likes · 2 talking about this · 263 were here. 本店專營大閘蟹十多年，經驗豐富，大閘蟹用上江蘇太湖， ... ... <看更多>